收工去Happy Hour，一杯到肚，除咗可以減壓、放鬆心情之餘，瑞士有間大學(the University Hospital) 做咗個研究，結果顯示同人飲返杯，摸吓杯酒底，真係幫到份工…
研究人員搵咗30位男士同30位女士「做實驗」分別隊酒，參加者年齡由18至50歲不等。佢哋被安排一半人飲有酒精啤酒，另一半人就飲無酒精啤酒。
結果發現，比起無飲酒的一群，飲「真啤酒」嗰組人表現得更開心同健談，情緒上仲更易同對方產生共鳴，超好傾。
研究又指，唔好以為唔飲酒會更清醒，原來飲酒增加咗社交能力之後，連認人個樣都快啲，特別係辨別開心表情嘅反應，飲咗酒嘅，平均快過唔飲酒嘅人。
當然，做咩都要適可而止，萬一飲正「斷片酒」爛醉如泥，到時咩形象都無晒啦。
來源：Inc
